MUJI 神物大公開! 網民激讚 $18「百潔布」去垢去鏽超強

師奶仔

家居

日牌洗面乳竟是超強清潔神器?  只需$22就買到！網民: 「被洗面奶耽誤嘅全能清潔劑」

污漬，可以話係媽咪嘅天敵。不論係洗衫，還是屋企角落，若果遇上頑固污漬洗唔甩，總會令人好急躁。近年，喺Threads流傳一款清潔好物，不但係衣物、Cap帽，同公仔都可以清除污漬，就連洗手盆都可以洗得乾乾淨淨，仲要低至$22就可以買到。 係SENKA洗面乳，冇錯，你冇睇錯，我亦都冇講錯。 點解洗面奶可以成功洗甩頑固污漬？原理係咩？ 洗面乳清潔力強有以下嘅原因： 1.針對油脂同蛋白質嘅活性劑 🧲 洗面乳入面嘅成分就好似磁鐵咁，一邊捉住水，一邊瘋狂吸住油脂（好似衫領汗漬、化妝品、甚至油煙機污垢）。只要一過水，油脂就會跟埋水一齊洗走晒！ 2.微細泡沫的「滲透力」🫧 SENKA 嘅泡泡出名濃密細緻，可以好似「微型鑽頭」咁滲入衫褲纖維、鞋面罅隙或者抽油煙機嘅細孔，將深層污垢通通浮晒出嚟。 3.適當嘅乳化作用🗨️  洗面乳中有乳化作用，可以將固體污垢（如原子筆跡、水垢）乳化成微粒。 4.針對化妝品對症下藥💄 洗面乳本來就係設計嚟洗走面上面嘅化妝品。拎佢嚟洗化妝掃、粉撲或者沾到唇膏嘅衫，簡直係「完美方法」，乾淨得嚟又唔傷質料！ 點解有網友話「除咗洗面，洗咩都得」？ 此外更有網民話佢係「被洗面奶耽誤嘅全能清潔劑」，呢個講法某程度上係一種稱讚，代表呢款洗面乳太強。 對物件： 清潔力強係神隊友，去油去污一流！ 對皮膚： 對於乾性或敏感肌嚟講，洗完可能會覺得太「繃緊」，好似塊面乾到要裂開咁。 SENKA洗面乳清潔嘅清洗方法？可以洗甩啲咩？ 網上有唔少成功例子，有家長分享只要將洗面乳擳落去污糟嘅鞋仔上面，用百潔布捽30秒，就成功洗甩。 有網友早前參考網上嘅分享，整理出超過10項呢款洗面奶可以洗甩或清潔嘅嘢，可以分為以下6類： 1.化妝品（如：化妝掃及粉撲） 2.廚具及廚房用品（如：抽油煙機、爐頭及煮食煲【洗面奶溝洗潔精】） 3.廁所或浴室用品（如：馬桶、浴缸、洗手盆及水龍頭） 4.衣服及鞋（如：淺色衫、白鞋） 5.特定污漬（如：經血、唇膏印、筆跡及玻璃水垢） 6.其他用品（如：貓廁所） 圖片及資料來源：Threads及SENKA官方網站 #香港媽媽 #親子 #生活小智慧 #清潔秘訣

little_happiness

日本攻略

【MUJI必買】洗碗界「世一」神器！🧽 $5塊極速起泡＋唔發霉？網民：次次去日本都買幾pack返香港！✈️

平時去 MUJI 無印良品，仲係只會買文具同零食？咁你就大錯特錯啦！最近Threads瘋傳一款「隱藏版神物」，平到笑之餘，仲好用到可能令你愛上洗碗！講緊嘅就係呢款三層海綿！ 🌟 點解佢會被封為「洗碗神器」？ 好多人用過之後都話「返唔到轉頭」，究竟呢塊看似普通嘅灰色海綿有乜咁勁？全靠佢嘅「黃金三層結構」： 1. 上層（尼龍無紡布）： 質地較韌，專門對付頑固油污同污漬，唔傷餐具之餘刮得好乾淨！ 2. 中層（高密度聚氨酯）： 呢層係「起泡關鍵」！只要少少洗潔精，濕水之後起泡速度快到驚人，泡泡量極多且綿密。 3. 下層（大氣泡聚氨酯）： 呢層係最加分嘅地方！氣泡大、排水力極強，用完之後乾得好快，完美解決海綿容易發霉、變臭嘅衛生問題。 🗣️ 網民點樣評價？ 香港網民 A： 「呢個好用又抵，唔知點解依家香港冇咗呢隻貨。次次去日本都買幾pack返嚟！」 日本網民 B：「現在只用這個海綿！」 日本網民 C：「排水效果極佳，使用起來很衛生」 日本網民 D：「起泡很好。 感覺沖洗也很快。」 💰 價錢平到你唔信！ 唔好以為 MUJI 嘢一定貴，呢款海綿絕對係「平、靚、正」嘅代表： 3 個裝： 299 日元（連稅）~HKD $15 —— 平均一塊只係約 HKD $5！ 15 個裝： 1,420 日元（連稅） ~HKD $72 —— 買大包裝更加抵！ 如果你嚟緊會去日本旅行，記得喺 Check-out 前去MUJI家品部掃返幾 Pack！無論係自用定送畀媽咪、朋友做小禮物，都絕對唔會失禮！下次洗碗，試吓換呢塊海綿，包你發現新大陸！✨ 資料來源：Threads, MUJI官網 #MUJI #無印良品 #無印良品必買 #洗碗神器 #好物分享 #日本 #日本手信 #手信 #廚房好物 #居家生活 #攻略

iamchtkaibxd

生活

香港

開箱極致療癒!🏠✨ 家庭必備的清潔神將登場~

一直都想搵一部真正深層清潔又唔洗化學劑嘅神器,今次開箱 KÄRCHER 德國高壓蒸汽清潔機 SC 2 Deluxe Compact 真的太令人驚喜!😍 打開盒發現配件超級齊全,每一件都非常實用: 👉🏻 細小細節刷頭:針對抽油煙機風扇､電飯煲縫隙等最易積油垢污鬆嘅死角,高壓蒸汽一噴即刻搞掂! 👉🏻 電磁爐/檯面專用潔淨布:抹完即刻乾淨到可以照鏡~ 👉🏻 拖地專用延長管+微纖維抹布:連積聚多年嘅千年塵跡都輕鬆洗走,拖完個地仲識反光✨ 最正係用腳一踩即可拆除抹布,完全唔洗沾手! 重點係佢個 收納設計非常貼心,所有配件都可以齊齊整整收在主機收納盒內,完全唔會阻地方!👍🏻 真心推薦畀每一個家庭,特別係有小朋友或寵物嘅屋企,用純水蒸汽高溫消毒,用得安心又健康~ #KARCHER#SC2DeluxeCompact#蒸氣清潔機#開箱#家務神器#德國高壓蒸汽清潔機#無化學清潔#蒸汽清潔機{{hket:campaign display="chill賞安心育兒"}}{{/hket:campaign}}